Vüqar Biləcəri (tam adı Vüqar Zakir oğlu Paşayev) 1988-ci il avqustun 24-də Bakıda anadan olub. Uşaqlıqda güləşlə məşğul olan Vüqar, bu səbəbdən doğum tarixini bir il kiçildərək qeyd etmişdi. 2004-cü ildə "De, Gəlsin!" meyxana yarışması ilə məşhurlaşan sənətçi, əsasən dini mövzulu qəzəl və şeirləri, həmçinin ustalıqla istifadə etdiyi əruz vəzni ilə seçilirdi. Sağlığında çoxsaylı qəzəl və şeirlər yazmış, onun əsərləri ancaq vəfatından sonra dostları və yaxınları tərəfindən kitab şəklində nəşr olunmuşdur. Vüqar Biləcəri 2020-ci il avqustun 29-da uzun sürən qanqren xəstəliyindən vəfat etmiş, Bakının Hökməli qəbiristanlığında dəfn edilmişdir. Həyatında evlənməmiş, bir bacı və bir qardaşı olmuşdur.