Sirli Qanadlar Seriyası III:Güzgüdə Unudulan Ruh

Sirli Qanadlar Seriyası – III

“Hər kəsin bir güzgüsü var. Bəziləri ona baxar, bəziləri isə içində itib gedər.”

Güzgü…

Onun qarşısında dayandığında sadəcə öz üzünü görməzsən. Ruhunun ən gizli qatları da yavaş-yavaş ortaya çıxar. Gözlərindən keçən bütün illər, bütün yaşantılar, gizlədilən ağrılar oradadır.Amma çoxları baxıb da görmür. Çünki güzgü həqiqəti danışır, biz isə çox zaman həqiqətdən qorxuruq.

Simurqun sirlərindən biri də budur — öz güzgünə dürüst baxmaq cəsarətidir.

Güzgü həm səni sənə tanıdar, həm də səni sənə yad edər.Bəzən elə baxarsan ki, öz gözlərinin içində tanımadığın biri ilə qarşılaşarsan. O biri — zamanla susdurduğun, boğduğun, gizlətdiyin "sən"dir.

İçimizdəki sükutun ən gur səsi odur.

O səs deyir: “Burdayam. Bəlkə də illərdir ilk dəfə baxırsan mənə bu qədər diqqətlə.”

Və sən anlayırsan: özünə dönməyin yolu güzgüdən keçir.

Amma güzgü səbir istəyir. Ona tələsmədən baxmaq, keçmişin tozunu, qırılmış xatirələrin izini, sükutla yığılan illəri seyr etmək…

Simurq güzgüyə hər dəfə başqa cür baxar — çünki hər dəfə bir parçası yanar, külə dönər və yenidən doğular.

Əsl güc, kül içindəki işığı görməkdir.

Ən dərin azadlıq, öz üzünə baxıb qorxmamaqdır.

Unutma:

Güzgü dəyişmir. Sən dəyişirsən.

Və bəlkə də, bu dəyişimin ilk addımı elə öz gözlərinin içində gizlidir.

İndi sənə bir sual:

Güzgüdə nə görürsən? Özünü, yoxsa çoxdan itirdiyin birini?

📌 Bu yazı "Sirli Qanadlar" seriyasının üçüncü qanadıdır. Hər qanad bir gerçəyi açır. Növbəti qanadda görüşənədək.

Öncəki bölüm

Növbəti bölüm

Şərhlər (12)

@Aytac
30 avqust 25, 12:50

Bəlkədə çoxdan itirdiyim biridə özüməm, güzgüdə yansıyıb.
@ZeynəbNəbiyeva
29 iyun 25, 00:33

Zamanla dəyiçmək lazımdı bəzən ən yaxşı fikirdi dəyişmək. Mənim indiki halımı əvəlki mən belə gör səm tanımazdım o dərəcə dəyişdim məni gprən hamı oo nə qədər dəyişmisən dedilər çünki daha istifadə edə bilmirdilər..
@AytenCelilova
25 iyun 25, 19:27

Güzgüdə itirdiyim özümü,solmuş ruhumu görürəm.Bu nə qədər ağır gəlsədə sənə sən olduğunu qəbullandıran bir haldır.Hərşeyi düzəltmək istəyibdə dahada pisi özünü itirən birini görürsən.💫
@Ləman Əhədova
20 iyun 25, 22:48

Güzgüdə mən nəyinki Görünüşümü içimidə görürəm.Baxanda güzgüyə Bugün kimə yaxşı söz dedim, kimə pis söz dedim,kimi güldürdüm bugün,kimi ağlatdım bugün , kimin qəlbini isidəcək söz dedim ,kimin qəlbinə deyəcək söz dedim,Kimə mərhəmət etdim, kimə mərhəmətsiz davrandım, kimə vicdanlı oldum ,kimə ədalətsizlik etdim,kimin haqqına girdim kimi suallar keçir beynimdən. Güzguyə baxanda rahat baxıram ,yoxsa gözlərimi qaçiriram deyə baxıram özümə😌
@Fatima
20 iyun 25, 22:15

Bu yazı – bir ruh ayinidir. Sözlər, sanki güzgünün buğlanan səthini silir və oxucunu öz gözlərinin dərinliyinə baxmağa məcbur edir. “Güzgü” metaforası burada təkcə zahiri görüntü deyil, içimizdə illərlə susan, amma heç vaxt yox olmayan həqiqətlərlə üz-üzə gəlməkdir.

“Ən dərin azadlıq – öz üzünə baxıb qorxmamaqdır” – bu cümlə yazının fəlsəfəsini bir nəfəsə açıqlayır. Çünki özünü görmək, qəbul etmək, bağışlamaq və yenidən doğmaq – bunlar heç də asan deyil. Bu yazı oxucunu sarsıtmadan silkələyir, səssiz bir güclə “bax, buradasan” deyir.Simurqun bu qanadı, əvvəlkilər kimi, yenə də daxili bir dönüş nöqtəsi yaradır. Sadəcə oxumaqla deyil, hiss etməklə dəyişir adam.Sonda müəllifin sualı məni də düşündürdü: Güzgüdə gördüyüm mənim gerçək simamdır, yoxsa vaxtilə susdurduğum, gözlərimin dərinliyində gizlətdiyim “mən”?Bəlkə elə bu yazı, həmin “məni” geri çağıran ilk addımdır…
@Sunay Məmmədova
20 iyun 25, 20:46

Bəzən özümü, bəzənsə çox danışmayan, lakin çox hiss edən, çox düşünən birini görürəm. Bəlkədə hər ikisi də bir-birlərini tanımaz...
@SİRİUS
20 iyun 25, 20:28

Güzgüyə əvvələr baxanda sanki içimdeki uşağin kusduyunu gördüm. Onun yanına getdim elinden tutdum. Onun könlünü aldım ve barişdiğ. Ona bir söz verdim əsla seni böyüməyə məcbur etməyəcəyəm. Çünki mən seninle boyuyeceyem. İndi onunla bərabərem. Ve əsla onu tərk etməyəcəyəm.
@Fatimə Bayramova
20 iyun 25, 19:58

Simurq,siz daha çoxuna layiqsiniz. Tutduğunuz qələmi,içinizdəki yazı eşqini heç zaman buraxmayın 🌷
@Aynur Yusifova
18 iyun 25, 08:41

30 yaşım tamam olduğu gün yolda özüm yaşıdlarında olan gəlinlərlə söhbət edirdik.Uşaqlarımızda bir tərəfdə oynayırdı.Söz ortasında sevinə sevinə dedim ki bugun mənim 30 yaşım bitir.Həmin anda 3,4 yaş məndən böyük olan biri dedi ki, aaa 30 yaşın necə də böyük görsədirsən mən səndən yaşca böyuyəm səndən balaca görsənirəm.Tez qocalmısam ki...deyib hələ ustunə güldü də.İlk başda onun sözünə çox alındım.İncidim.Özünə hiss etdirməsəm də.Sonra yoldan evə qayıdan da güzcünün önündən keçəndə bir anlıq ayaq saxladım.Əvvəlcə sakitcə baxdım yalnız göz yaşlarınımın süzülüb getdiyini hiss edirdim.Ürəyimdə özümlə o qədər danışdım ki kədər məni boğmuşdu.Və bunu güzcüdəki məndə görürdü.Ayrıldım güzcünün önündən özümü toparladım.Yenidən keçdim aynanın qarşısına.Bu səfər ağlamadım.Onunla başqa gürə danışdım.Dedim düz deyirlər bu sən deyilsən axı.Niyə özünü bu qədər diqqətsiz qoymusan.Axı sən Aynur belə deyildin.Nə üçün bu qədər dəyişmisən.Güzcüdəki Aynurla çox danışdım çoxxx.Ona bəzi sözlər verdim.Onunla orda sağollaşdım və verdiyim sözlərin hər birini yerinə yetirdim.İndi ayna qarşında keçəndə bəzən nələrsə düşünüb kövrəlsəm də çox vaxtı özümlə qürur duyuram.İçimdə incindiyim gəlinə ürəyimdə təşəkkür etdim ki,dediyi sözlə əslində məni mənə qaytardı.
Güzgüdə nə görürsən? Özünü yoxsa çoxdan itirdiyin birini.

İndi sizin sualınızı cavablandırım.Hal hazırda güzcüdə özümü görürəm.İtirdiyim biri isə illər bundan öncəliyimdə qaldı.

Hər kəsə güzcü qarşısına keçəndə özünü görməyi diləyirəm

Çunki hər iki hissi yaşamışam.Biri qussə qəm kədər biri həyat dolu sevinc bəxş edir insana
1. @Fatimə Bayramova
  20 iyun 25, 19:57
  
  Oxuduqca kövrəldim. Yolunuz açıq ola,xeyir ola 🙏🏻✨
  1. @Aynur Yusifova
    21 iyun 25, 18:55
    
    Səhf etmirəmsə bu rəyi mənə yazmısız.Çox sağ olun var olun.Diqqətiniz üçün minnətdaram.İnsan həyatda yaşayadıqca var olduqca hər şey öz əlindədir.İstərsə həyatını mutlu məsud istərsə də qəm qüssə içində yaşaya bilər.Hər kəsə xoşbəxt dolu olmağı qəm qüssə kədərdə uzağ olmağı arzu edirəm
@Ləman Əhədova
12 iyun 25, 11:04

Maraqlı dı🥰

Sirli Qanadlar Seriyası III:Güzgüdə Unudulan Ruh — Simurq

SİMURQ

Şərhlər (12)

@Aytac

@ZeynəbNəbiyeva

@AytenCelilova

@Ləman Əhədova

@Fatima

@Sunay Məmmədova

@SİRİUS

@Fatimə Bayramova

@Aynur Yusifova

@Fatimə Bayramova

@Aynur Yusifova

@Ləman Əhədova

Fikir bildir

Sirli Qanadlar Seriyası III:Güzgüdə Unudulan Ruh — Simurq

Oxşar Yazılar

Buraxıram əllərini- Aytən Kərimova

Payız xəyyaları puç olmuşların fəsildir - SİRİUS

Qığılcımın İlk Fısıltısı - Simurq

Mən səni yox, səni sevməyi sevdim...

Şərhlər (12)

Fikir bildir