Həyat – kimisinə görə yaşadıqları, kimisinə görə isə yaşaya bilmədikləridir. Kimin üçün savaş meydanıdır, başqası üçünsə güllük gülistanlıq. Bəziləri üçün həyat bir şahmat taxtasında davam edən oyundur.
Əslində, həyat bunların hamısıdır. Bir gün yıxılıb, bir gün qalxmaqdı. Çətinliyə düşsən belə, gülümsəyə bilməkdir həyat. Sənsiz ölərəm deyən birinin sənin yoxluğuna tezliklə alışması, bir aşiqin sevgilisinin dəfnində başqa bir qadına vurulmasıdır. "Həyat gözəldir" deyən insanın, elə həmin gecə həyatını itirməsidir həyat.
Bəziləri üçün pullar, villalar, şöhrətdir həyat. Bəziləri üçün isə, sadə bir evdə tapılan səmimi xoşbəxtlikdir. Həyatın çətinliyi də var, enişi də, yoxuşu da... Amma hər halıyla yaşamağa dəyər bir yerdir.
Bəzən arzular əbədi sükuta qərq olur, keçmiş günlər qəlbimizdə sağalmaz yaralar buraxır, düşüncələr bizi yuxuda belə rahat buraxmır. Lakin həyat hər halı ilə yaşamağa dəyər.
Bu Sadəcə Həyatdır.
Şərhlər (7)