Əlində külüng tək işlədi qələm
Ürəyi gizlicə çəkdi dərd ələm
Sanırdı bir ümid olacağ hələm
Ayıra bilmədi ağı qaradan
Bu gecə bir şair köçdü dünyadan
Şeirə düzərdi eşqin dadını
Nakamlar kitabına yazdı adını
Bəs niyə yolunu gözləyən qadını
Gözünün yaşına boğdu yaradan?
Bu gecə bir şair köçdü dünyadan
Həyatın rəngindən şeirlər yazan
Son dəfə səninçin oxunur Azan.
Tələsmə qazmağa ay qəbir qazan!
Qoy Qartal son dəfə ensin qayadan
Bu gecə bir şair köçdü dünyadan
Müəllif Fatimə Səhhətqızı
Dünyasını dəyişən Şair yoldaşımız Həsən Kürə ithaf olunur
Şərhlər (1)