Səni məndən alacaq, bilirəm.. – Aytən Kərimova

Bir yol seçmək haqda düşünməmişdim mən..
İndi isə yol göründü daha, o yola çıxıram, səni məndən alacağını bilə-bilə..
Nə qədər çətindir, kaş izah edə bilsəm, ya da kaş ki, dinləsən.Yanımda olsan belə sözlərim səndən uzaq düşürdü bəzən, qəlbimdə hiss edirdim səni, amma sən məndə ola-ola da getmişdin sən demə.
İndi mən gedirəm, amma sən bilərsən axı, getmək ayrılıq deyil, amma bu sən bildiyin gedişlərdən də deyil, qurban sənə..
Mən daha qalmaq üçün getmirəm,amma sən yol gedəndə mən hər zaman “ehtiyatlı get” sözündə, bir parça təbəssüm tapsan əgər, orada olacağam mən..
şəklin kənarında, köhnə bir mesajın daxilində, gözünün bir anda dolmasında qalacağam.
Yazıb-yazıb sildiyin həmin mesajlarda olacağam..
Nə sənin “getmə” sözün olacaq, nə də mənim qalmaq cəhdim..
İtirəcəksən çox şeyi, yəqin vecinə olmayacaq, amma itirdiklərin içində özün olan zaman məndə tapacaqsan bir parçanı.
Səni tapacaq qədər tanış, səni sənə qaytacaq qədər əl-qolu bağlı olacağam..

Aytən Kərimova✍🏻