Ruhumu qaytar geri, üşüyür bədənim

Sənsiz torpağın üstü də altı kimidir.

Bu işıqlı, bu gen dünyada mənim

Bədənim divara düşən qaraltı kimidir.


Bir kəlmə söz demirsən, çıxıb gedirsən

İllərlə qurduğum xəyalları yıxıb gedirsən

Elə bil qəlbimdə coşan bir çaysan, 

Gözümdən sakitcə axıb gedirsən


Madam ki ömürlük gedirsən məndən

Niyə gedəndə geriyə baxıb gedirsən?!

Sənsizlikdən quruyub məhəbbət bağı 

Onu da eşq oduna yaxıb gedirsən?!


Əmanət ömrümün çoxu getdi, azı qaldı 

Bilmirəm neçə qışı getdi, neçə yazı qaldı 

Qəlbimdə silinməmiş bir dənə yazı qaldı 

"Kaş qaytara biləydim ötüb gedən illəri"...