Şah əsər — Ruh.Antares

"Şah əsər"

Dünya olubdur – dəli həyatı,

Gözlədim, bəlkə də bir gün qayıtdı.

Sən demə, yuxuymuş gözəl həyatım –

Gözəl bir yuxudan dostum oyatdı.

Sükansız bir gəmi – məndə içində,

Nakam sevginin gəzirəm içində.

İllərdir yatıram, bəlkə görəydim –

Yaşadığım sevgini yuxum içində.

Yazıram duyğumu – hiss də etmirlər,

“Mən varam,” – deyirəm, diqqət etmirlər.

Əsərlər əsəridir dünya – şah əsər,

Görən bir dəfə də dua etmirlər?

Ediblər dəlilər dünyaya səfər,

İnsanlar dəlidir – insanı kəsər.

Bu gündə səbirlə gözləyirəm mən –

Mənim də üzümnən xoşbəxtlik əsər.

Mələyin nazil etdi Yaradan sizə,

Dedi: “Savab yazacam, inanın bizə!”

Allahın kəlamına inanmadılar –

Çəkdilər bir-birini gedər-gəlməzə.

Bilirsiz, dostlar, çox şey günahdı –

Etmə günah, bu həyat bitən həyatdı.

Çox bel bağlama dünya malına –

Görərsən, saçını dünya ağartdı.

Qeyd:

“Şah Əsər” - şeir dünyanı bir şah əsər kimi təsvir edir.