Qəm içimdə yazardı - Fatma Məcidova

Qəm içimdə yazardı

Bir zamanlar qəm içimdə danışardı,

Sükutumda min söz gizlənib daşardı.

Kədər qələmimə ilham verərdi,

Hər misramda bir ah, bir dərd yaşardı.

İndi gülüşlər var ürəyimdə,

Qələmim susur, qəm yox içimdə.

Sözlərim xoşbəxtliyin sükutudur,

Bir göz yaşı axtarır kölgəmdə.

O zaman acı sevərdi məni,

İndi isə şeir unudub məni.

Çünki qəm yazardı ən gözəlini,

Xoşbəxtlik susdurur şair könlümü...