Şair kimdir?

Nə qədər keçsə də əsrlər, illər, 

Onun sözlərini oxuyar dillər. 

Bitməz o kəlmələr, doğacaq küllər, 

Əbədi varlığa inanır şair.

Düşmənə dağ çəkən sədası vardır, 

Dostuna can verən vəfası vardır. 

Dərdlərə dərmandır, şəfası vardır, 

Məlhəm tək yaraya davadır şair.

Dilini qoruyar namusu kimi, 

Haqqın yanındadır, nahaq qənimi, 

Mənalar dənizi, sözün hakimi, 

Ölməz bu dünyaya gəlirsə şair.