Gözümdə gözünün izləri qalıb,
Bir tək sən idin baxan gözümə.
Gözlərin xəyalda gəzirdi hər gün,
Sən Allah, nə etdin həmin gözlərə?
Aldandım baldan şirin sözlərə,
Bir zaman aramsız baxan gözlərə.
Hər dəfə baxdıqca baxa bildiyim,
De görüm, kim baxır həmin gözlərə?
Aldanmaq nədir? Düşün bir görək,
Guya özü ayırdı bizləri fələk.
Bir zaman isitdiyim həmin yerləri,
İmkan ver soyutsun mənasız külək…
—Ruh.Antares.
Şərhlər (8)