Darıxım... - Şahmalı Hasan

Olar, hərdən səninçün darıxım?

Yadıma salım səninlə əl-ələ 

Gəzdiyimiz günləri ...

Nə fərqi var, realda yox, 

Fikrimdə gəzmişəm səninlə

Beynimin hər küçəsi, hər tin-dalanı

Doludur ayaq izlərimizlə

Gözlə!

Gör hələ nələr var, nələr 

Sənə aldığım hədiyyələr 

Heç zaman verə bilməsəm də,

Durur dolabımın ən gözəl yerində.

Daha gözəl olardı,

Sən də olsaydın, öz yerində...

Olar, hərdən səninçün darıxım? 

Külək əsəndə bir payız çağı 

Tərk edib evimdəki isti ocağı 

Çıxım soyuq küçələrdə gözləyim səni...

Əsinti gətirsin qoxunu mənə

Bərk darıxım, 

ürəyim sığmasın dar qəfəsinə

Dənizdə boğulan bir insan kimi

Həsrət qalım sənin gül nəfəsinə...

Əlin olmasa da, əlimdə mənim

Boş deyil...

Bir çiçək almışam sənə

Gül sənə yaraşır, sən də ki mənə.

Ya zamanın zehni kasad,

ya fələyin oyunu çətin...

Həyatmı yanlışdı, bizmi yanlışıq?! 

Niyə közərmişik, niyə yanmışıq?!

Kəsişən həyat yollarında biz

Yanlış vaxtda qarşılaşan 

iki doğru insanıq. 

Bilmirəm, nəsə düz gəlmir hisslərimlə 

Beynimdə vuruşduğum fikirlərim

Qorxuram ki, hərdən düşüncəm də

Ya da hisslərimdə k

arıxım.

Olar hərdən səninçün darıxım?