*İlham pərilərim gəlməyəndə özüm onların yanına gedirəm.*
- Ziqmund Freyd
Bölüm Üç:
Əgər Allah səndən hansısa bir şeyi alırsa, əvəzinə sənə başqa bir gözəllik bəxş etmək üçün bunu edir. Misal üçün sənin sağ əlin yoxdursa, sol əlin çox güclü olacaq. Ünsiyyət bacarığın yaxşı deyilsə, susub dinləmək bacarığın formalaşacaq. Və kütlə qarşısında danışmaq bacarığın yoxdursa, əlbət ki, yazmaq bacarığın çox güclü olacaq.
Kütlə qarşısında çıxış edə bilməmək məndə uzun illər davam etdi. Bu mənim dərslərimə də təsir etdiyi üçün 9-cu sinifə qədər güc bəla ilə gəlib çatdım. 9-cu sinifdən sonra məktəbdən çıxıb kollecə imtahan verdim və Bakı Neft Energetika Kollecinə qəbul oldum. Eyni ildə(2012) atamın getdiyi yol ilə gedib futbol hakimlik kursuna yazıldım. Lakin bizə başa salmışdılar ki, hakim dediyin şəxs ictimai şəxs ola bilməz, orda burda ağzına gələni yazıb istədiyi şəkili paylaşa bilməz. Mən ağzıma gələni yox, ağlıma gələnləri yazmalıydım. Lakin bunun üçün uzun illər lazım olduğunun fərqindəydim. Başa düşdüm ki, başlanğıcda uğursuz olsam qınanılacağam və bu mənim işimə də mənfi təsir edə bilər. Beləcə, gizli bir ad seçib bu təxəllüs ilə çıxış etməliyəm. Eyni zamanda diqqət edirdim ki, içi mən qarışıq xalqımız Azərbaycan müəlliflərini oxumaq istəmir. Elə bir ad seçməli idim ki, mənim azərbaycanlı olduğumu düşünməsinlər. Xarici yazardır deyib əllərinə alıb oxusunlar. Həmin ərəfələrdə Qaraqanın kitabları məndə böyük maraq oyadırdı. Yəqin ki, qəsdən olmasa da, ad seçimi zamanı Uraqanın onun adına bu qədər yaxın olması şüuraltı təsirin nəticəsində seçilmişdir.
Ad seçiminə görə gələcəkdə insanların məni Qaraqana bənzətməsi məni qorxutmurdu. Çünki Nəsiminin də müəlliminin adı Nəimi idi, lakin hər kəs Nəimini Nəsimiyə görə yadda saxladı.
Bülbül gülə, Qarğa zibilliyə aparar...
- Mövlanə
Şərhlər (15)