Dünya cəm xəyalımda birləşib,

Gözüm görür, qəlbim duymur.

Axı niyə belə olur?


Nağıllara, dodaqlara,

Dastanlara, xəyallara

Sığmayan həyat budur?


Ceyran dünən qaçır,

Bu gün yatır.

Şir deyil, pələng deyil —

Fələkdi onu qapır.


Yazda açan çiçək,

Payız gəlib niyə solub?

Dünən çıxan günəş,

Bu gün niyə donub?


Zaman gələr, hamı susar.

Sən dil açarsan,

Onda deyərsən:


“Nağıllarda, dastanlarda

Deyib gülən həyat budur.

Ceyrana sus deyən,

Çiçəyə sol deyən,

Günəşə dur deyən —

Həyat özü elə budur."