“ Qəfəsdə qalan dualar”
Əlindən tutdum, əllərim əsdi,
Sanki mən quş idim, ruhum qəfəsdi.
Əllərimdə dondu zamanın nəbzi,
O gözəl gözlərin nəfəsimi kəsdi.
Sənsiz keçən hər bir günümdə,
İnan ki, dualarım əksik olmadı.
İstədim bir günü sənlə yaşayım,
Nə qədər istədim, qismət olmadı.
Bəlkə də mələktək göyə ucaldın,
Səhvini anlayıb niyə tək qaldın?
Bilmirəm, cavansan, bəlkə qocaldın…
Bildiyim budur:
Mənim gözümdə xeyli alçaldın!
Şərhlər (8)