Özünü məndə axtarma — İlkin Asif

Özünü məndə axtarma.

Özünü məndə axtarma,

Sən məni çoxdan itirmisən...

Mən, səninlə gülməyi seçərkən

Sən bizi yerlə bir etmisən.

Artıq nə mən əvvəlki mənəm,

Nə sən əvvəlki sən...

Günlər elə hey axır gedir—

Ay çıxır, gün batır

Sanki, sanki...

Sənin həsrətin sinəmə hər gün 

öz imzasını atır.

Yollar uzun,

yoxsa özün gəlmək istəmirsən?

Niyyətin dəyişib, məni sevmək istəmirsən?

Bəlkə də unudub məni,

heç görmək istəmirsən...

Həsrət acısı yaşamayan bilməz,

Dodaq titrər, nəfəs kəsilər, huş itər,

Hər şey unudular...

Bircə sənli günlər

yaddaşdan silinməz.