Yolunu gözləyirəm - Fatma Məcidova

Yolunu Gözləyirəm

Sən gələcəksən... bilirəm hələ,

Amma yollar uzanır gecə kimi.

Ürəyim susmur, deyir hər an..

Gələcək, sadəcə uzaqdadır indi...

Zaman yorulur, gözlər yol çəkir,

Səssizliyə sığınıram hər anımda.

Ümidim solmur, çünki bilirəm 

Gəlirsən... bir az gec, bir az uzaqdan.

Dənizlər susar, səbrlə dinləyər,

Sənə aparar dualarımı.

Sənsiz ötən hər an bir əsr kimi,

Yolunu gözləyirəm... qırıq qanadlı...

Nə fırtına qorxudur, nə uzaqlıq,

Sənə çatan hər yol, mənim üçün açıq.

Gələcəyin o gün, ömrümün baharı 

Yolunu gözləyirəm  susaraq, sakit...