Uzun saçlarında bütün duyğularını daşıyan qadın... Həyatda heç kimsəni saçlarına qıyacaq qədər önəmli bilmədin. Bəlkədə dəyər verdiklərin verdiyin dəyərə dəyməyiblər.Susqun görünürsən ama içində böyük fırtınalarla savaş verirsen. Kim bilər ki hansı dalğalara mübarizə aparırsan?Çox az danışarsan və sakit görünürsən ama sözlərin dərinə işləyir. Sən zamanla yarışmırsan ,hərşeyi axışa buraxmısan.
Hər dəfə saçlarını qısa kəsdirməyə qalxanda böyük bir parçanı itirəcəkmiş kimi dayanırsan ... Qıymırsan ... saçlarına yoxsa onlarda qalan xatirlərə?
Sənin saçların sadəcə gözəlliyin deyil ,həm də yaddaşındır. Hər bir saç teli toxunulmamış bir kitab nə zaman toxunsan hər teli bir hekayə danışar...
Rüzgar sənin saçlarına toxunanda sanki bir ömrün səssiz hekayəsi açılar gözlər önündə. Sənin saçlarında uşaq gülüşlərinin izi ,keçmiş sevginin baxışı ,sanki hələ də davam edən uzun bir yol var..
Sənin duyğuların saçlarının tellərində gizlənib. Bilirəm çox şey yaşadın ,ama içində hələ də böyüməmiş bir uşaq var. Sakit , tənha, sözlərdən çox səssizliklə danişan biri.
Sən saçının hər telində bir xatirə daşıyırsan. Sən dünyanın ən güclü qadınsan. Təbrik edirəm səni hər şeyə rəğmən hələ də sağ qaldığın üçün. O dəyərli saçlarına qıymadığın üçün.Uzun münasibət sevən ,birinin saçlarına oynamasını istəyən,ama heç kimsənin toxunmadığı o saçlara sahibsən. Bəzən saçlarına səhvən toxunuluduğu zaman sən aqressiv olursan. Çünki sənin saçlarına heç kimsə toxunmadı,sığallamadı. Bəlkə də sən toxunulmadığın hiss olunmadığın üçün aqressiv olmuşdun ? Kim bilər ki?
Başqalarından heç bir diqqət qayğı gözləmirsən , çünki bilirsən gözlənti hər zaman yanıldır. Hər şeyə böyük bir boşvermişlik hissi ilə yanaşırsan... çünki bilirsən bu həyatda heç nə qalıcı deyil. Qalıcı olan tək şey yaşadığımız xoş anlardır. O anlar ki yaddaşda silinməz izlər buraxır.
Bəs sən saçlarını kəsdirdin? Dəydimi?
"SİRİUS"
Şərhlər (18)