Sən qəribə adamsan- Missaliyeva

Sən qəribə adamsan.

Bəzən yaşlı bir qoca,

Bəzənsə körpə uşaq.

Güləndə qızarırsan —

Sən qəribə adamsan.

Bəzən tamam yad biri,

Bəzən ən gözəl həmdəm.

Necə də qeyri-adi…

Sən qəribə adamsan.

Sən yoluma bir çıraq,

Bir vaxt küskün olduğum.

Bir az təzadlı olan —

Sən qəribə adamsan.

Kirpiklərin ox kimi,

Yaman gözlərə batır.

Ağlı bir ümman olan —

Sən qəribə adamsan.

Yaman qəlbi qarasan,

Bəzən məni mat qoyan,

Bəzən özü mat olan

Sən qəribə adamsan.

Bəlkə də həyatımda

Ən gözəl təsadüfsən.

Bəlkə bir medalyonsan…

Sən qəribə adamsan.

Hər an sanki uçacam,

Göylər məni çağırır.

Sən mənim qanadımsan,

Sən q əribə adamsan.