Ayaq saxla, gözəlim

Ayaq saxla, gözəlim,

Bir də baxım mən sənə.

Baxım o meşəsində itdiyim yamyaşıl gözlərinə,

Baxım bir səhra təki sarı rəng saçlarına.

​Qolundakı saatın necə işləyir hələ?

Axı sənə baxanda vaxt da durur mənimçün.

Dayan, əzizim, dayan!

Söylə, hara qaçırsan?

Tələskən adətinlə niyə uzaqlaşırsan?

​Getmə, gözlə, bir dayan!

Qoy baxım çoxlu sənə.

İstəsən, öldür məni –

O gözəl gülüşünlə.

Vəsiyyət öldürməni

Edirəm dostlarıma:

Yanağında çuxur var,

Hər güləndə var olar.

Söylə, gömsünlər ora,

Bundan gözəl qəbir var?!

​Ölməkdən danışmayım...

Danışaq, deyək, gülək...

Bax, beləcə bir ömrü

Səninlə yola verək.🪻