Darıxacaqsan

Uzaq üfüqlərə göz gəzdirib sən,

Məni axtarsan da tapmayacaqsan. 

Bu böyük dünyada tək qalanda sən, 

Mənli günlər üçün darıxacaqsan. 

Gündüzlər birtəhər keçinəcəksən, 

Gecələr özünə qəsd edəcəksən. 

Hər zaman hər yerdə tək gəzəcəksən, 

Mənsiz günlərinə ağlayacaqsan. 

Yaşamaq sənin üçün dərd olacaqdır,

Həyatın büsbütün dağılacaqdır. 

Bu tale yolların bağlanacaqdır, 

Geriyə boylanıb baxmayacaqsan. 

Arayıb, axtarıb hər yerdə məni, 

Qova bilmədin sən kədəri, qəmi. 

Geri qayıtmayan ötən günləri, 

Yadına salıb sən sarsılacaqsan.