İsti kül üstündə bir alov yanır,

Soyuq məzar üstə axır gözyaşı.

Ölən buz kimidir,gözyaşı isti,

Soyuq nəzərlərlə baxır başdaşı.

Sağlıqda bircə gül qıymamışdılar,

İndi gülüstantək bəzənib məzar.

Diriykən saya da saymamışdılar,

İndi çiyinlərdə o mərhum gəzər .


Dedilər,-"Bircə tək ad qalar yadda"

İndi adını da aldılar ondan,

Bir vaxt deyərdilər,-"Filankəs orda"

İndi isə "meyidi qaldırın ordan!"


Səsini namərdcə kəsdilər onun,

İndi eşitməkçün saçı yolurlar.

Beləcə nə qədər cansız ruhları ,

Burdan son mənzilə yola salırlar...