Qısa şeir - Zeynəb

Dünya, səndən narazıyam

Gəlib çatdım — yaş otuzdur,

Dünya, səndən narazıyam.

Giləyliyəm, güzarlıyam,

Dünya, səndən narazıyam.

Düzə əyri, pisə yaxşı —

Dünya, səndən narazıyam.

Giləyliyəm, güzarlıyam,

Dünya, səndən narazıyam.

Köçüb getsəm elə bu gün,

Dünya, səndən narazıyam.

Qara bəxtim, qara taxtım —

Tabutuma qara yaxdın.

Düşüb ölsəm əgər bu gün,

Dünya, səndən narazıyam.

Dönüb bir də geri baxdım,

Beşə baxdım, ona baxdım,

Elə səndən narazıyam.

Gəldim çatdım on beşə də,

Baxdım — yoxdur ağ tərəfin,

Elə mənə qara yaxdın,

Dünya, səndən narazıyam.

Mənə qaldı dərdin, sərin,

Bayramlarda sınıqlıqlar...

Otuz yaşda dərdlər, şeirlər —

Gəldim-getdim bu dünyadan,

Dünya, səndən narazıyam.

Narazıyam çiçəklərdən,

Yazda əsən o küləydən,

Ağaclardan, o bağlardan,

Dağda axan o sulardan,

Dünya, səndən narazıyam.

Giləyliyəm həkimlərdən,

Yersiz gələn o qripdən,

Bax, daralan o köksümdən —

Dünya, səndən narazıyam.

Əl çəkmədin, hep izlədin,

Gəlib tapdın — ya sən məni,

Ya da candan əzizləri...

Qara üzün qaldı mənə,

Ağ üzünü heç görmədim,

Dünya, səndən narazıyam.

Giləyliyəm, güzarlıyam.

Köksümdəki bu inilti,

Heç kəsməzmi bu sızıltı?

Ağrıdırmı hep beləmi?..

Dünya, səndən narazıyam.

Giləyliyəm, güzarlıyam.