Gözləri dolan, xanım!
O qədərmi yorğun qəlbin?
Gözlər dolub – nə çarədir?
Ürək dolub – biçarədir...
Baxıram səssiz sənə,
Yorğun gözlər görürəm.
Bu göz yaşı nə üçün?
Dəyərmi onun üçün?
Sözləri bitən, xanım!
O qədərmi ağır qəmin?
Sözlər bitib – nə çarədir?
Nəfəs bitib – biçarədir...
Ağ saçların bir pambıq,
Qırışların dərindir.
Axı dərdin nədəndir?
Hər biri bir kədərdir...
Əlləri titrək, xanım!
O qədərmi sönmüş sevgin?
Səssizlikdə susub qalıb,
Bir vaxtlar danışan dilin.
Bir pəncərə var: açıq...
Yağış damır səssiz-səssiz.
Otaqda yalnız sənsən,
Bir də keçmişin səsi...