Hər vaxtınız xeyir, mən Ulduz. Amma Ulduz gerçək adım deyil. Yazıçı Uraqan Abdullayevin yazılarını, məqalələrini və kitablarını oxumuşam. Onun aşıladığı bir çox fikirlərlə razıyam. Hələ sayt açdığını və oxucuların orada şeir və hekayələr yazdığını gördüyümdə çox sevindim və istədim ki, mən də bir hekayə paylaşım. Buna tam hekayə demək olmazdı, çünki romandı. Sadəcə hissə-hissə paylaşmaq istəyirəm.
Qısacası, hekayəmiz belədir: İl 2080-ci il. Qitələrin tərkibində olan dövlətlər birləşib və artıq qitələr böyük imperiyalara çevriliblər. Kosmosa səyahətdə isə artıq limitlər aşılıb. Marsa turistik səyahətlər həyata keçirilir. Bu səyahətlərin baş tutmasında əsas rolu oynayan isə baş qəhrəman Endidir. Bu dəfə isə o Veneraya səyahət planı hazırlayır və bunun üçün kosmosa səyahət edir. Amma orada qəza keçirir və nəticədə huşunu itirir. Onun bədəni başqa bir qalaktikaya sürüklənir və o başqa bir planetin orbitinə yaxınlaşır. Bu planet isə BF-105, yəni "Kəpənəklər Planetidir". Bu planetin sakinləri kəpənək olaraq doğulur, öldüklərində isə insan formunda metamorfoz olunur. Həyatlarına insan olaraq davam edirlər və, əlbəttə ki, özəl gücləri də var. Endini halsız şəkildə növbəti baş qəhrəman Lilo tapır. Lilo ona öz yaşayış yeri ilə tanış edir və beləcə macəralar başlayır. Qaranlıq sirlər, həyəcanlı döyüşlər, duyğusal anlar. Amma Kəpənəklər Planetinin qızıl qaydasını unutmaq olmaz: əgər Kəpənəklər Planetinin sakini aşiq olarsa, özəl gücləri itəcək. Belə olan halda isə həmin sakinin taleyini özü yox, Destino (Aqibət) müəyyən edir. Hekayəmiz belədir...
Şərhlər (11)